وتخلع الشمس توبها
تنشره ع الغيط
يطرح سنابل دهب
ملو السطوح والبيت
الحلوه تمسك رحى
وتلملم الكتاكيت
تخبز عجينها ورايا
ونكمل الحواديت
------------
شمس النهارده
رمت توبها ف غيط معزوق
طارح عيدان شعوطت
وقلبها محروق
لا الفرخه شافت نصيبها
ولا الجعان بيدوق
خضر العيدان أختفت
واحنا خبيزنا عروق
------------
هى الحكايه قدر
ولا البحور نوه
الشمس دى شمسنا
والغيط كمان هوه
وف كل بيت صومعه
مسلوبه من جوه
عملوا السنابل جاتوه
وعيالنا تتلوى
ليست هناك تعليقات:
إرسال تعليق