شفت صوره للأسد فكرى إنبهر
قلت امتى دة أتولد؟! شاع الخبر
اللى قالى دة سراب
وّلا وهم فى كتاب
والولاد مستغربة
واحد رسمها من خيالة؟!
ولا شخبطة عياله
والولاد متكهربة
يقول قرار ... يشيل قرار
يجيب حجات مهربة
لونه مش لون الأسود
ولا يشبه لليهود
دى صوره مسربة
من عند ناس مغرضين
لامله ليهم أو فى دين
ناس ف عقولها كركبة
نطق الأسد رعب الولاد
نطق الأسد قال للولاد
وعود كتير ملهاش ميعاد
الكل قال والكل عاد
شفتوا مين طلع الأسد
صورة للي باع بلد
فيها الولاد مستنظرة
والشمس تطرح كوز درة
وفيها الكبار عرقانين
والعرق مخلوط بطين
نادوا الولاد
ياللي ناقص ... ياللي زايد
يالا ماتلموا الجرايد
دة الجبان مابين سطورها
قال قصايد
ولعوها .. و يلا نمسح عهد كان بالظلم قايد
كل واحد شال جريدة مولعة .. ولع مكان
يجري بيها يشيل أنوف مفرقعة تبان السنان
من لحم ولادنا مخلعة وده اللي خان
بالنار هدومة مرصعة وخيط الدخان
يلا نضحك كركعة آن الأوان
نلبس أسدنا البردعة وسط الميدان
ليست هناك تعليقات:
إرسال تعليق