ما أعرفش اروح يا غفير روحنى
السكة ضلمة والهوى يطوحنى
شايفين بلدنا ضلمت ياخالى
ولسه ولادنا علامها غالى
وزياد بكير راح دمه تمنها
من يوم ما مات اتردت ببانها
ما اعرفش اروح ياغفير روحنى
السكة ضلمة والهوى يطوحنى
ما اعرفش اروح والسكه طويلة
مليانه عسكر فوق كل خميله
السكة اللى مات عليها اخونا
مارضيش يبعنا زى ما باعونا
ما اعرفش اروح لدموعى تفضحنى
والسكة ضلمة والهوى يطوحنى
ما اعرفش اروح والطريق بعيد
عليه دموعنا فوق دم الشهيد
ما اعرفش اروح والعتمة جبانة
فيها بيوتنا اشبلح ف جبانة
جبانة ضلمة فيها قبره مصور
نوره ف قلوبنا ح يفضل منور
ديابة سايبة والقوه معاها
سلاح ف ايدها وخوفنا غطاها
مااعرفش اروح ياغفير روحنى
والسكة ضلمة والهوى يطوحنى
ليست هناك تعليقات:
إرسال تعليق