كش الملك
كش الملك كشه
قدامك الطابية خطوة وح تنشه
الرقعة دي أرضك
سودة في عرضك
وجبهة بتعارضك
أرسم كمان خطة
فرسك ده له نطة
ولو في كمان بطة
مكانشي مات الفيل
ووزيرك العنتيل
ضحي لتبقى بخيل
وكش الملك
قبل ماتنقل فكر
خسارتك كبيرة تعكر
وحيعمل إية الأحمر
الحرب موش بارليف
ولاحصان حريف
يمشي كدة ع الكيف
كش الملك
قالوا ولادك كخ
بان في طريقك رخ
ماتخللي عندك مخ
وكش الملك
صدقت نابليون
ومشيت بنفس اللون
قالوا عليك مجنون
كش الملك
الخطة هجوم ودفاع
وملكك بلاده مشاع
وأهو ضياع ف ضياع
ماتكش الملك
الخطة خطة جبانة
معانة ومستعانة
طالبة لسة الإعانة
كش الملك
الملك الأسود مخنوق
بيطالب لسة بحقوق
جرانه قالوله بالزوق
كش الملك
الملك الأبيض بيسوف
والملك الإسود متخوف
والطابية الدوغري بتزيف
كش الملك
خليك تروح وتهنكر
وحقوق ولادنا تبعتر
ولو في حمار ح يفكر
ويكش الملك
الملك مكشوف
متحامي في الطابية
أعمى ماهوش بيشوف
فعلته النابية
كش الملك
جنودك بتتأخر
حواليك بتتمخطر
ترسم طريق أخضر
ماتكش الملك
الأبيض ثبت ف النص
وانت ف واحدة ونص
ويدن آدان القدس
ويكش الملك
كش الملك كشه
قدامك الطابية
خطوة وح تنشه
ليست هناك تعليقات:
إرسال تعليق